Австрија ги олесни условите за влез

LinkSense.mk

Австриската влада, на предлог на Комисијата за заразни болести, донесе одлука за да ги олесни условите за влез во земјата после двамесечното ограничување поради пандемијата со ковид-19. Одлуката се однесува за сите кои се вакцинирани и ја преживеале болеста и оние со негативен тест за вирусот САРС-Ков-2.

Од средината на декември, минатата година, до сега во Австрија можеа да влезат само вакцинирани.

Но, за туристичката индустрија е важно да прими што повеќе гости во остатокот од зимската сезона, не само од Германија.

Од 5 март, во Австрија се укинуваат речиси сите ограничувања, освен за носење маски FFP2 на некои јавни места. Исклучок е Виена, која засега делумно ги задржува мерките против корона вирусот во некои сектори, како што е гастрономијата.

Седумдневната инциденца која изнесуваше околу 2.200 случаи на 100.000 жители е во пад, а состојбата во болниците, особено на интензивната нега, е стабилна.