Британија: „Големиот брат“ станува уште поголем

После повеќемесечна расправа, британскиот парламент го донесе спорниот нов закон со кој на властите – од полицијата до регулаторите за храна, противпожарните служби и даночните инспектори, им се даваат овластувања да ги анализираат податоците од пребарувачот на интернет за секое лице во таа земја, јавува АП.

kompjuterski-nadgleduvanja

Нацрт законот за истражителски овластувања, кои критичарите го нарекуваат „шпионска повелба“, парламентот го усвои овој месец после повеќе од една година расправи и измени, а официјално ќе стане закон и ќе се применува од следната недела кога ќе го одобри кралицата.

tim-berners-lee

Тим Бернерс-Ли, компјутерски научник кому во заслуги му се припишува воспоставување на Светска мрежа (World Wide Web), новиот закон на Твитер го искоментирал со зборовите: „Темни, темни денови“.

Новиот закон предвидува телекомуникациските компании да водат евиденција за сите активности на корисниците на мрежи во текот на една година, креирајќи бази на податоци со лични информации кои би можеле да бидат чувствителни за хакерски напади или одавање.

nadzor-111

Групите за заштита на граѓанските слободи тврдат дека тој закон се воведува за масовен надзор над британските граѓани, следејќи недолжни корисници на интернет од канцеларија до дневна или спална соба.