Во Јордан убиени четворица напаѓачи

Јорданските безбедносни сили соопштија дека се убиени четворица напаѓачи на југот на Јордан, откако во Карако убија 10 лица, додека најмалку 27 беа повредени.

Безбедносните сили наведуваат дека со тоа е завршена операцијата против „терористите одметници“ во Карако, град на 120 километри од Аман, туристичка дестинација позната по една од најголемите тврдини од крстоносниот период во регионот.

jordan-attack-4

Во акцијата запленето е оружје, поголема количина експлозив и самоубиствени појаси.

Во нападот се убиени седум полицајци, два цивила и една канадска државјанка.

Не е потполно јасно кој стои зад нападот, но Јордан неколку пати бил цел на исламисти.

Јордан е главна членка на коалицијата околу САД во борбите против таканаречената Исламска држава во соседната Сирија.

jordan-attack

jordan-attack-2