Димитров: Нашиот случај е тест за ЕУ

„Време е да почнеме пристапни преговори. Вистински тест за ЕУ е токму нашиот случај, бидејќи ние сме земја кандидат 16 години“, изјави вицепремиерот за европски прашања Никола Димитров на заедничката прес-конференција по билатералната средба со австриската министерка за Европа и Устав, Каролине Едштадлер.

Димитров нагласи дека императивот за успех е навистина огромен годинава, потенцирајќи дека она што го говори за ЕУ и за реформите, се потпира на ветувањата од Брисел.

„Нас во јуни 2018 година ни рекоа – го цртаме патот да почнете преговори во јуни 2019 година. Во јуни 2019 година ни рекоа, сепак ќе одлучиме во октомври 2019, а во октомври 2019 година ни рекоа, не можеме сега да донесеме одлука. Одлуката се донесе во март 2020 година, меѓутоа уште не може да биде спроведена. Затоа сум се поискрен и се поотворен и мислам дека вистински тест за ЕУ е токму нашиот случај. Ние сме земја кандидат 16 години, а во нивото на усогласеност сме апсолутно во слична, а во определени области и во подобра кондиција со државите кои веќе многу години се во пристапниот процес“, истакна Димитров.

Австриската министерка Едштадлер додаде дека гледа огромна опасност ако заради билатерални конфликти или дискурси или заради нерешени прашања од историјата, се направи голема грешка и не започнат преговорите со земјава.

„Сакам уште еднаш да ја кажам понудата на Австрија како еден вид посредник за решавање на проблемот помеѓу Бугарија и Северна Македонија. Ние да посредуваме, затоа што се работи за ништо помалку од нашата заедничка иднина и треба да бидеме свесни оти неколку дена пред 9 Мај – Денот на Европа, конечно е време да почнат конференциите, земјите од Западен Балкан да ги вградиме во дијалогот и да им овозможиме иднина. Да не се случува тоа во наредните три, пет или 10 години, туку интеграцијата да се случи бргу и перспективата да им се даде сега. Австрија како партнер со земјите од Западен Балкан сака да ја игра оваа улога, знаејќи оти на европско ниво уште некои работи мора да се дозавршат за дијалогот да продолжи. Се надевам дека наскоро тоа ќе може да се случи“, изјави Едштадлер.

Димитров е дециден дека влогот е преголем и ние немаме право однапред да „креваме раце“.

„Ние ќе направиме се што моежеме и мислам дека и многу земји членки чувствуаат и разбираат дека е крајно време оваа година да има сериозно поместување кон подобро за европската идеја во нашиот регион. Многу е тешко тоа да се резлизира и да биде убедливо, ако македонскиот случај не е препознаен и потврден преку меѓувладина
конференција“, изјави Димитров.

Македонскиот вицепремиер вели дека со Бугарија сме соседи, дека со нив споделуваме многу и нема земји членки во Унијата што имаат поголем влог во успехот на европската приказна од нашите соседи Бугарија и Грција.

Во оваа смисла, порача тој, или ќе бидеме заедно поразени или заедно ќе бидеме победници. Меѓу другото потсети дека направивме многу изминатите години, и работејќи дома и решавајќи проблеми со други држави, потенцирајќи дека со Грција решивме прашање што беше проблем 25 години, кое на некој начин по Дејтонскиот договор, е големо решавање на проблем во регион, каде сеуште има проблеми и нерешени прашања.

„Ако Европа потфрли да го потенцира и да го потврди овој успех, ќе испрати многу погрешна порака. И тоа до целиот регион. Успехот значи јасна и вистинска перспектива и порака до граѓните во регионот дека успехот е можен и оти Европската унија е навистина сериозна кога зборува за пристапувањето, проширувањето или  имплетирањето. Успехот значи поттик за нас тука и создавање вистинско пријателство и блискост со соседна Бугарија и обратно. Неуспехот ќе биде пропупштање на една извонредна прилика да ја градиме иднината заедно, токму како народи кои меѓу другото имаат и заедничка историја во определени периоди. Успехот ќе значи и за Унијата дека ги реализира своите одлуки, затоа што во март лани добивме чисто зелено светло, без дополнителни услови, конечно да ги почнеме пристапните преговори“, рече Димитров.

Тој нагласи дека чекаме да се формира Влада во соседна Бугаирја и треба да ги отвориме сите канали за комуникација веднаш, бидејќи, како што рече, ние во Европа немаме премногу шанси за успех и немаме луксуз да пропуштаме можност за успех.

Едштадлер, пак, истакна дека не гледа друга можност, освен повторно да се укажува на тоа кои се последиците, доколку не продолжи процесот на проширување на Унијата.

 

 

„Сакаме Северна Македонија, која толку многу направи на патот кон Европската унија, да биде наградена со тоа што конечно ќе бидат преземени неопходните чекори.  

 

Каролин Едштадлер, австриска министерка

 

Таа смета дека Австрија сака Македонија и Албанија заеднички да добијат реална перспектива во ЕУ, оценувајќи дека раздвојувањето на двете земји на патот кон Унијата би било ризично и затоа треба да се спречи тие да се раздвојат и процеси на меѓувладини конференции за двете земји да се водат истовремено.