За СП во фудбал во Катар подготвена е 90 отсто од инфраструктурата

– Организаторите на Светското првенство во фудбал во Катар се подготвени со 90 проценти од инфраструктурата, две години пред почетокот на шампионатот, што ќе почне на 21 ноември 2022 година, соопшти ФИФА. Три од осумте стадиони сега се целосно подготвени, уште три се речиси завршени, а уште два ќе бидат завршени следната година.

ФИФА исто така соопшти дека и покрај пандемијата на коронавирусот, повеќе од 100 натпревари се одиграни безбедно на три стадиони оваа година.

Светското првенство исто така го потенцира новото метро во Доха и проширувањето на аеродромот во главниот град пред Светското првенство, каде што навивачите можат дури и да присуствуваат на повеќе од еден натпревар на ден.

Генералниот секретар на Организациониот одбор Хасан ал-Тавади рече дека проектите веќе „влијаат на животот на луѓето во области како што се работничките права, образованието и претприемништвото“. СП 2022 година во Катар ќе се одржи помеѓу 21 ноември и 18 декември, а не во традиционалниот период јуни – јули поради екстремните летни горештини во државата.