Фудбалерите на Партизан се сретнаа со Ница во 2. коло од Конференциската лига, а српскиот тим пружи силен отпор против реномиран противник. Пред нешто повеќе од 9.000 навивачи се одигра дуел без победник 1:1.
Не почна добро за Партизан.
Веќе во втората минута левиот бек на гостите го искористи нападот по крилната позиција, заспаната реакција на одбраната на „црно-белите“ и загубената топка на Марковиќ, за да ја затресе мрежата веќе во првиот напад на Ница.
Фудбалерот кој летово го засили францускиот клуб од Фулам, оставената топка на Лаборд ја искористи за да упати неодбранлив удар од срцето на шеснаесетникот со десната, послаба нога и да ја наплати лошата реакција на домашната одбрана.
После примениот гол „црно-белите“ се разбудија.
Два напади се обидоа да организираат преку Рикард, но одбрана на Ница реагираше добро. Очигледно беше дека гостите добро ја „снимиле“ екипата од „Хумска“, па во текот на целиот натпревар одлично го „покрија“ Гомеш.
Гостите иако го контролираа поседот на топката, на првата сериозна прилика чекаа до 26. минута.Лаборд ја избегна офсајд замката, а потоа покрај Марковиќ упати удар од околу пет метри.Одличниот обид го сопре голманот на Партизан.Две минути подоцна Данте се обиде од слободен удар, но Поповиќ уште еднаш беше сигурен.
Убава можност да изедначи Партизан имаше во 44. минута.
Одбиената топка по ударот на Рикард стигна до Нат, кој шутираше од околу 13 метри. Шмајхел веќе беше совладан, но топката на патот кон мрежата и веќе видениот гол ја сопре алжирскиот дефанзивец Јусуф Атал, по што остана 1:0.
Пепе се обиде да шутира од прекин во 54. минута, а обидот на поранешниот играч на Реал и Арсенал отиде далеку над домашниот гол.
Сепак, во 60. минута ерупција на воодушевување кај домашната публика.
Преку брза транзиција и серија одлични додавања, Партизан создаде можност која, на додавањето на Нат, Дијабата ја претвори во израмнување.
Потоа следеше нов напад во кој Андраде ја мачеше одбраната, гостите успеаја да се одбранат, а потоа уште еднаш возбудувања во 70. минута.Дијабате го проигра Гомеш, а тој од десетина метри успеа да промаши празен гол.
Партизан до крајот играше офанзивно, се чинеше дека момчињата на Гордан Петриќ ќе ги освојат трите бода, на моменти дури и го принудија ривалот целосно да се повлече на својата половина, но до крајот на натпреварот мрежите мируваа.
Главен судија: Ендру Медли (Анг)
Прв помошник: Даниел Кук (Анг)
Втор помошник: Нил Дејвис (Анг)
Четврти судија: Џон Брукс (Анг)
Стрелци: 60′ Диабате (Партизан) – 2′ Брајан (Ница)
Жолти картони: Траоре (Партизан) – Будауи (Ница)
ПАРТИЗАН: Поповиќ, Живковиќ, Марковиќ, Вујачиќ, Урошевиќ, Фејса, Траоре, Натко, Диабате, Андраде, Рикардо
Резерви: Лукач, Илиќ, Саничанин, Мениг, Шеховиќ, Баждар, Павловиќ, Терзиќ, Влаховиќ, Јовиќ, Петковиќ и Лутовац.
Тренер: Гордан Петриќ
Ница: Шмајхел, Брајан, Данте, Тодибо, Атал, Тирам, Лемина, Илие, Пепе, Будауи, Лаборде
Резерви: Буленди, Булка, Соренсен, Росарио, Диоп, Брахими, Бека Бека, Лотомба, Бард, Менди, Вити
Тренер: Лусијен Фавр
