Нова поетска книга од Ристо Лазаров на чешки јазик

Осум години по објавувањето на книгата поезија “Чехопек”, во Чешка е објавена втора книга од македонскиот поет Ристо Лазаров.

Објавена е стихозбирката “Лавиринт” во познатиот, долгогодишен формат на овој поет – седум циклуси по седум песни.

Песните од македонаки на чешки јазик ги преведе академик Иван Доровски, кој е автор и на предговорот на книгата, како и на биографијата и вивлиографијата на Лазаров.

Книгата има 130 страници, а ликовното решение на корицата на книгата е Дагмар Доровски.

Издавач на ова втора објава на поетска книга на Ристо Лазаров, кој инаку е член на чешкиот ПЕН центар, е угледната издавачка куќа “Трибуна ЕУ”.

Наскоро во Белград се очекува да биде објавена најновата стихозбирка “Мрак” од Ристо Лазаров на српски јазик.