Пет лица повредени во сообраќајка кај Кратово

LinkSense.mk

Пет лица се потешко повредени во сообраќјна несреќа, која денеска на пладне се случи кај местото викано Перово долче, на патот меѓу Пробиштип и Кратово.

Четворица од нив се пренесени и задржани на лекување во болницата во Кратово, а едно лице е во кумановската болница.

Според првичните информации од СВР Штип, во 12.20 часот возило, во кое се превезувале пет лица, излетало од коловозот и се превртело.

Увидот на местото на сообраќајката извршиле екипи на полицијата за да се утврдат причините што довеле до неа.

Патот Пробиштип-Кратово до 13.15 часот беше затворен за сообраќај во двата правца.