Поголем дел од Австралија во карантин поради зголемен број заразени

Австралиските власти денеска ги предупредија жителите на Сиднеј да се подготват за ново зголемување на случаите на Ковид-19, откако втор ден по ред беше забележан рекорден број на инфекции, и покрај неколкунеделното заклучување во најголемите и другите градови во земјата, во со цел да се запре ширењето на Делта сојот на вирусот.

„Врз основа на трендот и она што се случува во последните неколку дена, очекувам повеќе случаи во наредниот период и само сакам сите да бидат подготвени за тоа, рече премиерката на Нов Јужен Велс, Гледис Береџиклијан во Сиднеј.

Сиднеј пријави рекордни 279 случаи на Ковид-19 во последните 24 часа, во однос на претходниот рекорд од 259 еден ден претходно, а австралиската држава Нов Јужен Велс, чиј главен град е, регистрираше рекордни 291 случај, а ден порано 262.

Официјални лица во соседната држава Викторија, која вчера влезе во шесто затворање од почетокот на пандемијата, ја оценија ситуацијата со вирусот како „небезбедна“.

Поради новото затворање за само неколку недели, во Мелбурн имаше протести против строгите мерки.

Повеќе од 60 проценти од 25 -те милиони граѓани на Австралија сега се под строги мерки на затворање за да го спречат најновиот пораст на инфекции, вклучително и оние од трите најголеми градови во земјата, Сиднеј, Мелбурн и Бризбејн.