Пожар во Јапонија зафати 140 згради

Во ресторан во јапонскиот град Итоигава, на брегот на Јапонско море, избувна пожар којшто поттикнат од ветрот, за отприлика еден час се прошири на најмалку 140 куќи и згради.

Во пожарот две лица се здобија со полесни повреди.

Едно лице имало проблеми поради вдишување на чад, а пак другото се повредило при пад.

itoigava-2

Властите објавиле повик за евакуација на 300 домаќинства, во кои живееле околу 740 луѓе.

Десет часа по избувнувањето на пожарот огнот е ставен под контрола, соопшти јапонската агенција за управување со пожари и катастрофи.

Во гасењето на пожарот учествувале пожарникари од Итоигава и од околните градови.

itoigava-3

Итоигава се наоѓа во префектурата Нигата, околу 260 километри северозападно од Токио.

Полицијата работи на утврдување на причините за пожарот.

itoigava-4

itoigava-5