Приведени петмина тетовци – организирале веселба со околу 200 гости

Полициски службеници од СВР Тетово утрово во 3.05 часот привеле тројца тетовци, сопственици на угостителски објект, кои организирале веселба со околу 200 гости. приведени се и други две лица од Тетово, кои агресивно се однесувале кон полициските службеници.

Во угостителски објект во Тетово од полициски службеници од СВР Тетово утрово во 3.05 часот се лишени од слобода С.Т.(26), М.Г.(26) и Н.П. (26), сите од Тетово, сопственици на угостителски објект, поради постоење основано сомнение дека сториле кривично дело казниво по член 206 од Кривичниот законик, соопштија денеска од МВР.

Тие постапувале спротивно на здравствените прописи за време на епидемија и во објектот организирале веселба со околу 200 гости.

Во соопштението се наведува дека приведени биле и присутните Х.В.(20) и В.В.(35), двајцата од Тетово, бидејќи агресивно се однесувале кон полициските службеници кои извршувале службени дејствија.

По документирање на случајот ќе биде поднесен соодветен поднесок.