Денеска ќе продолжи главната расправа за судскиот случај со насилствата во општината Центар што го покрена Специјалното јавно обвинителство против вкупно 14 лица.
Обвинениети се и поранешниот премиер Никола Груевски, ексминистерот Миле Јанакиески и 12 други лица.
Предметот за нарачаните шамари за градоначалникот Андреј Жерновски и за нередите за време на седница на Советот на Општина Центар го води в. д. претседателката на Кривичниот суд, Татјана Михајлова.
Според обвинението, мотивите на првообвинетиот за попречување на седницата на Советот, на која на дневен ред биле урбанистичките планови за Мал ринг, биле чисто лукративни заради опстојување на бизнис-интересите на партискиот врв и за интересите на нивните блиски бизнис-партнери.
На претходната расправа, која се одржа на 16 декември, судијката ги одби „бомбите“ како доказ со образложение дека со нив се кршеле човековите права.
СЈО на трети месецов ја обжали оваа одлука пред Апелација, но се уште нема одлука за жалбата.