Руски тенкови се упатуваат кон Киев, украинската армија урна мост

LinkSense.mk

Руски тенкови што се движат кон Киев биле запрени во близина на селото Иванков, каде што украинските сили разнеле мост за да го запрат конвојот, пишува „Украинска правда“, повикувајќи се на извор од Генералштабот на вооружените сили на Украина.

Како што се наведува, руски тенкови се упатуваат кон Киев, но почнала борба кај Иванков.

Украинските сили дигнаа во воздух мост за да го запрат рускиот конвој, пишува весникот, додавајќи дека Иванков е на половина пат од границата до Киев.

Советникот на министерот за внатрешни работи на Украина, Антон Герашченко изјави дека, планот на Русија за денеска е да се пробие до Киев со тенкови од правец на Иванков и Чернигов.

„Најтешкиот ден ќе биде денешниот. Планот на непријателот е да се пробие со колони тенкови од Иванков и Чернигов до Киев, напиша Герашченко на Телеграм.

Тој додаде дека бранителите на Киев се подготвени.

„Нападите врз Киев со крстосувачки и балистички ракети продолжија, наведе Герашченко преку СМС порака до новинарите.

MИА