Стигнува нова руска вакцина против Ковид: Ќе биде како јогурт и ќе се пие

Институтот за експериментална медицина од Санкт Петербург планира кон крајот на оваа година или на почетокот на следната, да ги заврши претклиничките испитувања за првата вакцина против корона вирусот на светот што ќе се пие и која ќе биде со вкус на познатиот руски млечен производ – „Рјаженка“, соопшти директорот на Институтот Александар Дмитријев.

Претходно, потпретседателот на Руската академија на науките, академикот Владимир Чехонин, најави претклинички студии на необична вакцина против Ковид-19 во облик на јогурт.

Според зборовите на Дмитријев, истражувањето почнало на Институтот за експериментална медицина пред околу една година. Кога руската влада го одобрила развојот на Центарот за персонализирана медицина, кој ги вклучува ИЕМ и Националниот медицински истражувачки центар „Алмазов“, проектот за развој на првата „прехранбена“ вакцина против корона вирусот стана едно од подрачјата за истражување.

Според проценката на експертите, за завршувањето на претклиничките испитувања потребни се нешто повеќе од два милиони евра и моментно бараме можност за вонбуџетско финансирање“, истакна Дмитријев и додаде дека очекува претклиничките студии да бидат завршени до крајот на 2021 година или во првите неколку месеци од 2022 година.

Како што објасни авторот на идејата за вакцината во форма на ферментиран млечен производ, шефот на Одделот за молекуларна микробиологија и лабораторијата за молекуларна генетика на патогени микроорганизми, Александар Суворов, посебноста на лекот не е само во едноставниот начин на неговата примена.

И вакцините во облик на инјекција и мукозалните вакцини предизвикуваат имунолошки одговор. На ќелиско ниво почнуваат да се развиваат ‘ловци’ на патогени бактерии и вируси, а на хуморално ниво се формираат антитела. Истовремено, со примената на мукозална вакцина, се формира друга класа на антитела во споредба со реакцијата на вакцините што се инјектираат, кога се ствараат имуноглобулини А (IgA)“, појасни научникот.

Според неговите зборови, Институтот за експериментална медицина има големо искуство во развојот на вакцини на база на пробиотици – живи бактерии, со помош на кои се прават ферментирани млечни производи. Тоа значи дека во составот на ИЕМ веќе постојат слични вакцини против грип, пневмокока и стрептокока.

При изработката на вакцините против ковид, фрагмент од синтетизиран ген од вирусот корона се вградува во генот на бактеријата. Како резултат на генетичката модификација, се ствара протеин на вирусот корона што му овозможува на телото да произведе имун одговор“, рече Суворов.

Според оценката на научнјиците, „прехранбената“ вакција по вкусот речиси и да не се разликува од ферментираните млечни производи.

Најмногу потсетува на ‘Рјаженка’. Лабораториските глувци, стаорци и зајаци со уживање ја консумираат. Притоа се формира одличен имунолошки одговор и сеуште не се забележани несакани ефекти. Одиме напред многу внимателно за да ја избегнеме ситуацијата во која кој било нов медицински производ се доживува како лек којшто ќе го спаси човештвото“, вели Суворов.

Мукозалната вакцина, која е направена врз основа на фермантиран млечен производ, е наша уникатна работа. Времето ќе покаже, која вакцина против корона вирусот ќе биде најефикасна за одредени групи луѓе“, наведува Дмитријев.

Според неговото мислење, развојот на оваа вакцина има голема предност во однос на конкурентите.

Ако зборуваме со прост јазик, генетски модифицираните бактерии во облики на прашок можат да се стават во млеко и после еден ден се добива готов производ, кој не мора да се чисти од додатоци“, обласнува директорот на Институтот.

Земајќи ја во предвид едноставноста на правењето и отсуството на трошоци за хемиско прочистување, производството на вакцината е ефтино, а масовното производство може да се организира дури и на база на која било млекара со мала модификација на производствениот систем.

Тоа е голема предност во однос на другите биотехнолошки процеси“, заклучи Дмитријев.

 

(Фото: Александер Землианиченко – АП)