Хрватите го повлекоа од продажба сокот „Јана витамин портокал хепи“

Од хрватскиот пазар се повлекува напитокот „Јана витамин портокал хепи“ заради можно присуство на етилен-оксид, соопшти хрватското Министерство за здравство.

Од министерството прецизираа дека се повлекуваат напитоците во пластични шишиња од 1,5 литри со рок на траење до 13 јануари 2022 година, како и на пластичните пакувања од половина литар, чиј рок е до 20 јануари 2022-ра.

Овие производи, кои на пазарот ги пласира компанијата „Јамника плус“ се повлекуваат од продавниците како мерка на претпазливост заради можно присуство на етилен-оксид во овошната база на добавувачот.

Хрватската агенција за земјоделство и храна наведува дека тие производи не се во склад со европските уредби за максимално ниво на остатоци на пестициди во храната.