Владите ширум светот манипулираат со социјалните мрежи. Користат дигитална пешадија за блатење на противникот, за ширење на дезинформации и за лажирање на текстови за „џепарлак“.
„Гардијан“ пишува дека многу приврзаници на Доналд Трамп на интернет се финансирани од страна на руската влада, но, како што се наведува во текстот, методите се различни во различни држави.
Кина
Постоењето на „Партијата 50 центи“, или „wumao dang“, не е тајна во Кина. Името потекнува од тоа што група коментатори добивале по половина јуан, или 50 центи, за секој коментар што ќе го остават.
Од тогаш плаќањето на коментаторите стана вообичаена пракса на кинеската влада.
Неодамнешното истражување направено од страна на група универзитетски професори од Харвард покажало дека кинеските власти на Интернет пласираат 448 милиони лажни коментари годишно.
Објавите најчесто се во текот на некој протест или за време на партиски состанок.
Омилени теми: Извршните локални институции, зошто демократијата не функционира, Тајван…
Русија
Руските „тролови“ беа славни одамна, многу пред Трамп да го открие Твитер – гласините за пропаганда на блоговите и четовите потекнуваат уште од 2003 година.
Повеќето се поврзани со Агенцијата за истражување на интернетот.
Се верува дека тоа е една од комшаниите која подучува и плаќа „тролови“ да ги плукаат домашните и странски непријатели на Путин.
Според некои откриени документи, вработуваат повеќе од 600 луѓе ширум Русија.
Од нив се очекува да коментираат вести по 50 пати на ден. Ширум сите социјални мрежи имаат одредени дневни цели кои мораат да ги остварат.
Кога финската новинарка Џесика Асо пишуваше за нив, стана цел на застрашувачки закани и клевети.
Омилени теми: Путин и Трамп се супер, опозицијата е корумпирана, НАТО прави заговор против Русија…
Израел
Израел има ПР проблем практично откако постои. Постојат околу 350 он-лајн канали кои се обидуваат да ја поправат сликата за земјата.
Израелската војска дури има своја станица на Пинтерест, со галерија фотографии.
Во 2013 година израелската влада објави дека ќе вработат „тајни групи“, кои би се состоеле од домашни студенти и странски приврзаници. На социјалните мрежи се води вистинска војна, а „троловите“ објаснуваат зошто Израелците имаат легално право да бидат во Израел.
Исто така, тврдат дека се спротиставуваат на палестинската пропаганда.
Омилени теми: Палестинско перење на мозокот, пријателска израелска војска, оправданост на употребата на сила…
Украина
Ако Русија има војска на „тролови“, зошто не би имала и Украина?
Украинските „тролови“ се борат против руските дезинформации и тој судир успешно го проширија и на социјалните мрежи.
Не се знае точно колку Украинци или нивни приврзаници учествуваат во тие он-лајн работи.
Но, страницата на која се приклучуваат, i-army.org, е куп неповрзани и налудничави приказни за Русија – од детали за авионски несреќи, до допинг на нивни спортисти. Поактивни се на Твитер, каде имаат речиси 13.000 следбеници.
Омилени теми: Русија, Русија, Русија …
Велика Британија
Британските „тролови“ беа тајна додека на видело не излегоа тајните документи на Едвард Сноуден во 2014 година. Тие открија многу вработени луѓе чија задача била да им помогнат на полицијата, на МИ5, на банките, министерствата…
Некои од техниките уклучуваа „поставување на Јутјуб видеа, отварање на лажни Фејсбук и Твитер профили, испраќање на лажни мејлови и СМС пораки“. Некои од активностите, како што е на пример разбивање на он-лајн активности на терористи или педофили, се вреди за пофалби.
Ако сеуште постојат, се чини дека напаѓаат одделни групи или поединци, а не се обидуваат да сменат јавно мислење.
Омилени теми: Секс, дроги, ве молиме да не патувате во Сирија.
Турција
Лекцијата која турскиот претседател ја извлече од разните протести е таа дека треба да ги контролира социјалните мрежи.
Имено, демонстрантите со нивна помош се организирале против него.
Како одговор на протестите во 2013 година, турската влада вработила 6.000 луѓе да ја поправа сликата за неа во медиумите.
Секој којшто во следните месеци ќе ја критикувал владата бил затрупуван со негативни коментари.
Кога во пролетта 2014 година на Твитер почнаа да се шират снимки кои, наводно, докажуваа случај на корупција во кој бил вмешан Ердоган, тој Твитер едноставно го затвори.
Омилени теми: Спротивставување на Курдите, спротивставување на Русија, спротивставување на Арапите, спротивставување на Израел…