Откако започна пандемијата на корона вирусот, половина милион луѓе во Шри Ланка живеат во сиромаштија, зголемените трошоци за живот принудија многумина да ги намалат давачките за основни намирници и се стравува дека земјата може да прогласи банкрот.
Трговците на големо со ориз кои тргуваат од Петах, комерцијален центар во главниот град Коломбо, чекаат клиенти во нивните продавници, а војската добила овластување од државното раководство да ги контролира цените на основните прехранбени продукти, токму како што е оризот, бидејќи Шри Ланка се соочува со се подлабока финансиски и хуманитарни криза.
Се стравува дека во 2022 година оваа земја би можела да прогласи банкрот, со оглед на рекордната инфлација, растот на цените и сè попразната државна каса, се наведува во извештајот на лондонскиот дневен весник „Гардијан“.
Економскиот пад со кој е соочена Шри Ланка, владата предводена од Готабај Раџапакса и граѓаните, делумно е предизвикан од непосредното влијание на пандемијата и колапсот на туризмот, но дополнително е забрзан и со високата државна потрошувачка и намалувањето на даноците, наведува „Гардијан“.
Во неповолните макроекономски фактори спаѓаат и огромните отплати на долгот кон Кина и девизните резерви кои се на најниско ниво во последната деценија.
На армијата на Шри Ланка и е дадена задача да ја обезбеди трговијата со основните артикли, вклучувајќи ги оризот и шеќерот по фиксни државни цени, но ниту оваа мерка не ги намали секојдневните неволји на граѓаните на оваа островска земја.
Светска банка проценува дека од почетокот на пандемијата, 500.000 луѓе паднале под прагот на сиромаштија со рекордна инфлација која во ноември достигна 11,1 отсто и вртоглав раст на цените што и доброситуираните граѓани ги стави во позиција да се борат за да ги прехранат своите семејства, додава лондонскиот весник.