„Пако Алказар сака преку овој трансфер прозорец да ја напушти Борусија Дортмунд и веројатно ќе ја продолжи кариерата во Англија“, пренесува „Скај Германија“.
Можностите за место во стартниот состав на Шпанија се намалија уште
повеќе по пристигнувањето на младата сензација Ерлинг Холанд од Салцбург, но клубот од Бундеслигата нема да го пушти, освен ако не потпише со друг напаѓач, според новинарот Јеско фон Ајхман.
„Времето на Алкасер истече. Тој е нетрпелив човек и сака повеќе време на теренот“, изјави друг новинар на „Скај Германија“, Марк Беренбек.
Според него, односот помеѓу Алкасер и тренерот на „жолто-црните“, Лусиен Фавр е влошен. Можно е тој да се врати во Шпанија во екипата на Атлетико Мадрид, која ја разгледува можноста за негово привлекување доколку договорот за Единсон Кавани од ПСЖ не се случи до крајот на јануари.
Договорот на Уругваецот со францускиот шампион истекува во текот на летото и „јорганџиите“ се уверени дека можат да го привлечат во овој трансфер прозорец.
Алкасер добро ја започна оваа сезона, постигнувајќи 10 гола на осум
натпревари за клубот и репрезентацијата, но нема реализирано на последните 11 натпревари.
Шпанецот има само еден натпревар за Дортмунд од септември навака.
