Американскиот сенатор Менендез му честита на Ципрас за Договорот од Преспа

LinkSense.mk

Американскиот сенатот Боб Менендез на средба со грчкиот премиер Алексис Ципрас ја истакна важноста на Договорот од Преспа за стабилноста и развојот на Југоисточна Европа.

Како што соопштуваат од кабинетот на премиерот на Грција, на средбата станало збор и за Договорот од Преспа, за кој Менендез му честитал на Ципрас.

-Господинот Менденез ја истакна важноста на соработката како во рамките на НАТО, така и билатерално. Исто така потенцираше дека нашата земја е столб на стабилност и безбедност во регионот. Во овој контекст, ја истакна важноста на Договорот од Преспа за стабилноста и развојот на Југоисточна Европа и му честиташе на премиерот за постигнувањето на договорот, соопштуваат од кабинетот на Ципрас.

Грчкиот премиер и американскиот сенатор, кој е шеф на демократите во Комисијата за надворешни работи на сенатот на САД, на средбата разговарале и за билатералните односи, за стратешката соработка меѓу двете земји, за иницијативата на Менендез за безбедноста во Источниот Медитеран, како и за енергетиката.

За време на посетата на Атина, американскиот сенатор оствари средби и со претседателот на Грција, Прокопис Павлопулос, со шефот на грчката дипломатија, Јоргос Катругалос, со министерот за одбрана на Грција, Евангелос Апостолакис и со лидерот на Нова демократија, Кирјакос Мицотакис.