Африканските нации основаат нова здравствена организација

LinkSense.mk

Членките на Африканската унија се согласија да основаат нова здравствена организација на африканскиот континент во светлината на одговорот на пандемијата на корона вирусот.

Нацртот со кој се утврдува новиот план го одобрија во текот на викендот шефовите на држави и влади на Самитот на Африканската унија во главниот град на Етиопија, Адис Абеба.

Концептот е прифатен“, рече денеска Џон Нкенгасонг, раководител на Африканските центри за контрола и превенција на болести.

Здравствената организација на Африканската унија ќе ги обезбеди основите за новото тело, наречено Африканска служба за подготвеност и одговор – АПРА.

Африканските центри за контрола и превенција на болести ќе се обидат да ги здружат ресурсите на африканските земји и да ги координираат мерките со кои ќе се борат против ковид-19. Новата организација ќе има автономна структура која ќе и даде широки овластувања и ќе ѝ овозможи за потезите директно да ги известува владите на африканските држави.

Една од главните задачи на организацијата ќе биде да смисли акциска програма за брз одговор на идните пандемии“, рече Олив Шишана, шефица на Комисијата за ковид-19 на Африканската унија. Таа смета дека финансирањето на новата организација не треба да претставува каков било проблем.

Од почетокот на пандемијата на корона вирусот во Африка, документирани се 10,8 милиони случаи, но експертите веруваат дека вистинскиот број е многу поголем поради голем број непријавени случаи на континентот каде што живеат 1,3 милијарди луѓе.

Џон Нкенгасонг најави дека во наредните недели ќе бидат покренати неколку иницијативи за мобилизирање на младите Африканци кои треба да помогнат во кампањите за вакцинација. Предвидено е и учество на црквата и верските групи.

 

 

 

 

(Фото: ЕПА)