Баерн го осигура Левандовски до 2021 година

Полскиот фудбалер Роберт Левандовски го продолжи договорот со Баерн од Минхен до 2021 година, соопшти германскиот клуб.

„Многу сум среќен што преговорите дадоа позитивен резултат и што ќе останам во Баерн неколку години подолго.
Имаме големи амбиции“, рече Левандовски после потпишувањето.

Важечкиот договор на овој 28-годишен напаѓач истекуваше во летото 2019 година.

Претседателот на баварскиот клуб Карл-Хајнц Румениге рече дека е воодушевен со продолжувањето на соработката со најдобриот стрелец на Баерн.

robert-lewandowski-2

„Среќен сум што го обезбедивме еден од најдобрите центарфори на подолг рок“, изјави Румениге.

Преговорите меѓу Баерн и Левандовски беа, како што е соопштено, интензивни и фер, заради што клубот му се заблагодари на играчот за „конструктивните разговори“.