Шпански и фински ловци се подигнати за да пресретнат три руски авиони кои се забележани во близина на естонскиот воздушен простор, соопштија од НАТО.
Во прашање се два пресретнувачи МИГ-31 и еден транспортен авион Ан-26, пренесува Ројтерс.
За пресретнување се подигнати два шпански авиони од типот Ф-18 од авио-базата „Емари“ во Естонија, но исто така знак за тревога бил даден и за фински авиони.
Во последните неколку години зголемен е бројот на руски авиони кои се пресретнати од летала на алијансата и тоа во моментите кога се заострува напнатоста меѓу Западот и Москва.
