– Општинските болници во Софија се пред колапс поради исклучително зголемен број новозаразени со Ковид-19, јавија локални медиуми. Во главниот град на Бугарија над 75 отсто од креветите во болниците се со пациенти заразени со коронавирусот.
– Ситуацијата е сериозна и се добллижуваме до критичната точка. Имаме само 12 слободни кревети, а вчера отпуштивме 26 луѓе кои се опоравија, изјави Борил Петров од една од болниците во Софија за локални медиуми.
Здравствените власти најавија дека ќе се зголеми бројот на кревети за 20 отсто за евентуално нови пациенти со Ковид-19.
Болниците во Софија имаат и голем проблем со недостиг од медицински сестри поради висок број на заболени меѓу нив.
Во изминатите 24 часа има 4.374 нови случаи на инфекција со коронавирус во Бугарија. Бројот на смртни случаи е 107. Хоспитализирани се 7.600 лица, а 612 лица се на оддели за интензивна нега. Активните случаи на инфекција се 47.173.
Вакцинирани се 4287 лица во последните 24 часа.
