Вархеји: Сигурен од на Северна Македонија кон ЕУ

LinkSense.mk

Еврокомесарот за проширување, Оливер Вархеји, ги презентираше попладнево извештаите за земјите од Западен Балкан и Турција пред Европскиот парламент.

За Македонија, Оливер Вархеји изјави дека 2022 година беше важна година со отпочнувањето на преговарачкиот процес.

„Северна Македонија го отпочна преговарачкиот процес со првата политичка меѓувладина конференција што одамна требаше да се случи. Северна Македонија покажа одлучност и издржан напредок“, изјави Вархеји пред европратениците.

Еврокомесарот забележа дека е важно земјата да го задржи реформското темпо и да го искористи процесот на скрининг, за забрзување на реформите.

Според него, потребни се дополнителни напори во областа на јавната администрација.

Извештајот го поздравува целосното усогласување на Македонија со надворешната политика на ЕУ, посебно во однос на Украина.

„Со ова земјата ја покажа својата одлучност да напредува на својот ЕУ пат“, изјави Вархеји.

По Европскиот парламент еврокомесарот треба да се обрати и пред новинарите по објавувањето на годишните реформски извештаи за шесте земји од Западен Балкан и Турција.