Турската полиција уапси осомничен за прободувањето со нож на најмалку пет лица во близина на џамија во градот Ескишехир, во северозападна Турција, пишува Ал Џезаира.
Турскиот министер за внатрешни работи, Али Јерликаја, изјави дека нападот се истражува.
Локалните медиуми шпекулираат дека 18-годишниот Арда К., за кој се сомнева дека го извршил нападот, бил под силно влијание на видео игри.
Ал Џезира во својот текст наведува дека осомничениот нападот во џамијата го пренесувал во живо на својот профил на социјалната мрежа „Х“.
За време на нападот Арда К. носел панцир, заштитни очила, маска и шлем, а ги нападнал луѓето кои биле во кафуле во близина на џамијата.
Некои медиуми тврдат дека на градите имал симбол – Црното сонце (Сончев круг). Овој симбол потекнува од нацистичка Германија, а подоцна го присвоија неонацистите и другите приврзаници на екстремната десница.
Шпекулациите се и дека тој во појасот носел секира, но дека не ја користел при нападот.
Уапсен е после полициска потера.
Петте лица кои беа нападнати од Арда К. Завршија во болница. На двајца им нанел тешки физички повреди.
