Само во текот на последните 24 часа во Полска од смрзнување починаа три лица, а 46 умреа од ноември.
„Вчера три лица умре од премрзнатост. Тоа е веќе 49 од 1 ноември. Повикај го бројот 112 ако видиш дека немому му е потребна помош“, објави денес Центарот за безбедност при полската влада со краток графички потсетник граѓаните топло да се облечат, да не пијат алкохол и да реагираат кога ќе видат дека некој е во опасност на студот и виулиците.
Бројот на жртвите замава го зголеми и случајот со двете фатални труења со јаглен моноксид од неисправни печки.
Од почетокот на грејната сезона од труење со тивкиот гас убиец умреа 23 Полјаци.
Невремето проследено со бура „Аксел“, преместувајќи се од Германија преку Полска понатаму на исток најмногу штета направи на Балтикот, каде што подивеани бранови од ледената морска вода допреа речиси до куќните прагови во Елблонг и Нов Двор Гдањск, во местото Мјендзиздроје ја преплавиле и однеле дел од плажата, а во еден од крајбрежните ресторани во тој град од силината на брановите беа искршени прозорците.
Во цела Полска снежната бура го парализираше сообраќајот, а на северот, во близина на Гдањск патници вчеравечер останале заробени во авотомобили, камиони и автобуси во колона долга 20 километри, а полицијата и пожарникарски екипи, за цело време додека траел застојот на сообраќајот, им делеле чај.
Снегот проследен со силен ветар кој нанесува нова покривка на штотуку исчистените патишта им го загрозува животот на возачите.
Во Гдањск, Гдињ и Сопот, три пристанишни градови кои сочинуваат поголема агломерација, работниците не стигнувале да ги исчистат ниту градските улици заради што бил парализиран градскиот сообраќај.
Приливот на арктички воздух од северот ги спушти температурите во Полска и на 25 степени под нулата, а се очекува денес да бидат меѓу 14 и 19 степени под нулата.
