Бројот на загинати во поплавите во Германија се искачи на 156. Само во една област на Ахрвејлер (Рајнска област-Пфалц), загинаа 110 луѓе.
Најмалку 45 лица загинаа во Северна Рајна-Вестфалија, а една жртва е регистрирана во провинцијата Берхтесгаденер-Ланд (Баварија).
Се стравува дека бројот на жртви е многу поголем, бидејќи голем број луѓе се водат како исчезнати.
Југозападниот дел на Германија од понеделникот е погоден од обилни дождови, што предизвикаа излевање на притоките на Рајна и на Мосел, како и на малите реки Зауер, Прум, Нимс, Кил и Ерфт.
Поради поплавите е прогласена вонредна состојба во југоисточниот дел на Баварија во регионот Берхтесгаденер-Ленд. Ситуацијата е тензична и во источниот дел на германската сојузна држава Саксонија.
ИЗВОР: МИА
