Во Северна Кореја пријавени два милиони случаи на треска

LinkSense.mk

Во Северна Кореја се регистрирани два милиони случаи на треска, само една седмица откако беа потврдени првите официјални случаи на Ковид-19.

Само во еден ден, во средата, се пријавени случаи на треска кај 262 илјади пациенти, објавија државните медиуми.

Вкупно пријавени се речиси два милиони случаи на Ковид, од кои 1,2 милиони веќе се опоравиле.

Во Северна Кореја со популација од речиси 26 милиони жители смртноста од Ковид-19 е еден починат од 63 заболени.

Експертите проценуваат дека Северна Кореја нема капацитети да спроведува тестови за Ковид-19 за секој суспектен, па оттаму пријавува случаи на треска. Светската здравствена организација претпоставува дека во земјата која е речиси изолирана од остатокот од светот не е спроведена никаква вакцинација.

Првиот случај на Ковид-19 Пјонгјанг официјално го потврди минатиот четврток.

 

 

ИЗВОР: МИА