Годишниот финансиски извештај за 2018 година и годишниот план за јавни набавки за 2019 година, се на дневниот ред на денешната 17-та седница на Државната комисија за спречување на корупцијата (ДКСК).
Антикорупциска, како што е најавено, на седницата покрај расправата по предмети од областа за спречување корупција и за можен судир на интереси, ќе расправа и за одлука за прогласување на податоци за службена тајна-доверливи податоци.
Членовите на ДКСК ќе го разгледуваат и известувањето за реализација на националната стратегија за борба против измама за заштита на финансиските интереси на Европската Унија во земјава 2019-2022.
