ЕУ: Неприфатлива употреба на непропорционална сила против демонстрантите во Иран

LinkSense.mk

Европската унија денеска ја оцени како „неоправдана и неприфатлива“ „несразмерната употреба“ на сила против демонстрантите во Иран, по деветдневните протести поради смртта на Махса Амини, во кои загинаа 41 лице.

Високиот претставник на ЕУ за надворешна политика и безбедност, Жозеп Борел, исто така, ја осуди одлуката на иранските власти драстично да го ограничат пристапот до Интернет и да ги блокираат платформите за размена на пораки.

Борел рече дека тоа е „флагрантно кршење на слободата на говорот“.

Протестите во Иран почнаа на 16 септември, на денот на смртта на Махса Амини (22). Таа беше уапсена на 13 септември поради кршење на строгиот исламски кодекс на облекување. Таа падна во кома и почина во болница, но не е јасно што ја предизвикало нејзината смрт.