Историски гледано, медицинските истражувања честопати имале уникатен пристап во кој учествувале и мажи и жени, и покрај растечките докази дека половите се разликуваат во начинот на борба против одредена болест.
Утврдено е дека постои поголема можност жените да бидат заразени во поголема мера со коронавирус, но дека се поотпорни од мажите, за кои се тврди дека умираат најмногу по инфекцијата.
Студијата, која сè уште не поминала рецензија, вклучува скоро шестмесечно истражување со вклучено 308 членови на персоналот во болниците на Универзитетот во Стразбур во Франција, во кои е потврдена инфекција со коронавирус. Повеќето од овие пациенти имале благи симптоми на болеста.
Различни антитела беа измерени со употреба на три вида анализи во два вида студии во период од 172 дена. На првото земање крв, мажите постари од 50 години и оние со здрав индекс на телесна маса имале највисоки нивоа на антитела.
Во второто земање примероци, нивото на антитела (вклучително и неутрални протеини чијашто функција е да спречи приврзување на вирусот на човечки клетки) повеќе паднало кај мажите отколку кај жените, без оглед на возраста и тежината.
„Истражувањата покажаа дека мажите имаат поголемо ниво на антитела отколку жените во акутната фаза, но дека и покрај овој подобар имунолошки одговор на почетокот на инфекцијата, нивото на нивните антитела паѓа со текот на времето и многу побрзо. Од друга страна, жените го одржуваа тоа ниво“, рече Самира Фафи Кремер, раководител на вирусологија на болниците на Универзитетот во Стразбур и еден од авторите на студијата.
Падот на антителата зависи од нивното ниво на почетокот на инфекцијата
Друг од авторите на студијата, Оливер Шварц, рече дека овој пад на антитела зависи од тоа колку е достигнато нивното ниво на почетокот на инфекцијата.
„Значи, ако имате повеќе антитела на почетокот, ќе имате побрз пад, но сепак мора да откриеме зошто“, додаде Шварц.
Д-р Сабра Клајн од Универзитетот „Џонс Хопкинс“ изјави дека креаторите на вакцини треба да ги анализираат овие податоци за да можат да споредат машки и женски реакции на нив. Постои можност падот на антителата кај мажите да биде исто толку брз по вакцинирањето.
„Ако антителата кај мажите се намалат во поголема мера отколку кај жените дури и по вакцинирањето, постои можност на мажите да им треба втора вакцина за да ги обноват антителата, за да можат да го задржат имунитетот“, изјави таа.
