Масакрот во Берлин го извршило момче од Тунис?

Германската криминалистичка полиција по детален претрес на камионот со кој во понеделникот беше извршено грозоморното злосторство во Берлин, пронашла документи и траги кои укажувале на момче од Тунис.

Полицијата под седиштето пронашла документ кој на лицето му овозможува да остане во Германија, и покрај тоа што му било одбиено барањето за азил.

Осомничен е 24-годишниот Анис А. Од Тунис, роден во Татуин.

Истражителите се сомневаат дека тој користел различни идентитети при неговиот престој во Германија и се очекува распишување на потерница.

Сојузната служба за криминалистичка истрага најави дека денес попладне ќе ги обелодени сите досегашни сознанија за трагичниот настан.