На 29.06., 30.06. и 01.07.2024, за време на одржување на фестивал во Стар Дојран, полициски службеници ги лишиле од слобода А.С. (29) од Струмица, Д.Ш. (24) од Гевгелија, Ј.Р. (23) од Скопје, К.В. (24) од Куманово, А.А. (32) од Струмица, Д.А. (34) од Скопје, Г.И. (46) од Скопје, Ј.Б. (32) од Гостивар, В.Г. (18) од село Црничани, гевгелиско, Т.П. (18) и К.Ц. (18), и двајцата од Миравци, гевгелиско, Г.М.(47) од Скопје, Ф.И. (19) од село Удово, валандовско, Б.С. (23) од Батинци, скопско, Д.З.(23) од Скопје, А.А. (30) од Валандово, Н.А. (18) од Скопје, С.П.(20) од Башино Село, велешко, и еден 17-годишен турски државјанин.
При преглед кај нив, како и при контрола во возила во кои се превезувале биле пронајдени марихуана, прашкаста материја и таблети.
За настаните бил запознаен јавен обвинител, а по нивно документирање против лицата ќе бидат поднесени пријави.
