Мигранти предизвикаа инциденти на Хиос

Во кампот Суда на грчкиот остров Хиос во текот на ноќта дошло до немири меѓу мигрантите во бегалскиот камп, кои потоа предизвикале инциденти низ градот.

По интервенцијата на полицијата, ситуацијата е под контрола.

Мигранти, главно од Африка, вчераноќ околу 23 часот прво запалиле шатори и уништиле поголем дел од кампот и кршеле автомобили и излози.

Уапсени се педесетина бегалци.

Според ЕРТ, околу 23 часот група мигранти влегле во продавница за пиротехнички средства и украле поголемо количина петарди. Тие, освен што направиле значителна штета во кампот, ги вознемирувале жителите во локалните куќи, а фрлале и камења по автомобили во движење.

Полицијата ја блокирала областа, а заради смирување на ситуацијата употребила и солзавец.