Мишел му честиташе на Џонсон: ЕУ очекува што поскоро гласање за Брегзит во парламентот

LinkSense.mk

Претседателот на Европскиот совет Шарл Мишел денеска му честиташе на Борис Џонсон на победата на неговата Конзервативна партија на вонредните парламентарни избори во Велика Британија и порача дека ЕУ очекува британскиот Парламент наскоро да спроведе гласање за Брегзит.

-Ние очекуваме, што е можно поскоро, гласање во британскиот Парламент….., рече Мишел, додавајќи дека е важно да бидат јасни плановите на Лондон по триумфот на Џонсон на изборите.

Тој истакна дека ЕУ е подготвена да преговара за договор за слободна трговија со Велика Британија, пренесуваат британските медиуми.

-Ние сме подготвени, рече Мишел обраќајќи им се на новинарите при доаѓањето на вториот ден од самитот на лидерите на ЕУ.