Ваква ситуација дефинитивно не се гледа секој ден, фудбалерки целосно полудеа поради одлука на главниот судија.
Арбитарот на натпреварот помеѓу ДЦМП Бикира и Мазембе, во рамки фудбалскиот шампионат на Конго за жени, лошо се проведе откако не досуди пенал за домашните кога резултатот беше 5:1 за гостинките.
Се чини дека цел тим го бркаше судијата, кој се обиде да извлече жива глава, но фудбалерките го стигнаа кај „куќичката“ за делегатот.
Таму го опколија и го тепаа од сите страни.
Откако доби голем број удари со раце, но и со нозе, некако успеа, со помош на службено лице кое се најде во непосредна близина да дојде до тунелот кој води до соблекувалните.
Но, и таму некои фудбалерки го следеа и удираа со што ќе сатасаат.
