Натпреварот Јувентус–Наполи не се одигра, гостите не допатуваа поради коронавирус

Натпреварот од Серија А меѓу Јувентус и Наполи не се одигра, бидејќи гостите од Неапол не се појавија на теренот во Торино.

Бјанконерите пристигнаа на својата Арена, а Наполи не допатува во Торино, откако наполитанската здравствена служба го блокираше заминувањето на тимот поради избувнувањето на коронавирусот.

Раководството на Серија А излезе со став дека нема причина да се одложи средбата.

Така, веројатно е дека Наполи службено ќе загуби со 3:0.

Клубот може да ја оспори оваа одлука на суд.

На 27 септември, наполитанците играа со Џенова (6:0), по што беа откриени 14 случаи на инфекција со коронавирус кај ривалот.

Подоцна, играчите од средниот ред на Наполи, Пјотр Зиелински и македонскиот
репрезентативец Елиф Елмаз беа позитивни на вирусот.