Израелскиот премиер Бенјамин Нетанјаху синоќа изјави дека Израел ќе продолжи со „нападите врз терористички цели во Појасот Газа“ по еднонеделниот судир со палестински екстремисти.
По состанокот со највисоките претставници на одбраната, Нетанјаху соопшти дека Израел „ќе продолжи да дејствува колку што е потребно за да ги врати мирот и безбедноста за сите израелски граѓани“.
Prime Minister Benjamin Netanyahu is now holding a security consultation at the Kirya in Tel Aviv with the Defense Minister, the IDF Chief-of-Staff, the head of the National Security Council, the head of the ISA, the head of the Mossad and the security leadership. pic.twitter.com/NLX8dGNOuh
— Prime Minister of Israel (@IsraeliPM) May 17, 2021
Судирите почнаа на 10 мај кога Хамас истрела ракети со голем дострел кон Ерусалим по повеќенеделните насилства околу џамијата Ал Акса во Ерусалим меѓу палестинските демонстранти и израелската полиција за време на муслиманскиот месец Рамазан.
Насилните немири избувнаа, меѓудругото, и поради заканата со иселување на палестински семејства од еден кварт во Источен Ерусалим, за во нив да влезат еврејски доселеници.
Во меѓувреме, Катар го осуди израелското бомбардирање на зградата на Катарската Црвена полумесечина во Појасот Газа, каде имаше мртви и повредени.
Како што утринава соопшти оваа заливска земја, со ваквата израелска операција се оштетени и делови од болницата „Хамад бин Калифа“ за протетика и рехабилитација, а во воздушниот напад од саботата е уништена и повеќекатницата во која беа канцелариите на катарскиот ТВ канал „Ал Џазира“.
Покрај тоа, оценето е дека нападите врз хуманитарните и медиумски институции е флагрантно кршење на меѓународното право.
Во соопштението на Министерството за надворешни работи се наведува дека „Катар потврдува дека нема да жали за своите напори да ја поддржи праведната палестинска цел и палестинските браќа“. Оваа земја од Заливот од 2018 година обезбедува 20 милиони долари месечно како помош за Газа.
Сите членови на јорданскиот Парламент денеска повикаа на протерување на израелскиот амбасадор од оваа земја и отповикување на јорданскиот амбасадор во Израел.
Тие, исто така, повикаа на поништување на мировниот договор меѓу двете земји од 1994 година.
Prime Minister Benjamin Netanyahu:
"I have just finished an assessment of the situation, as well as the approval of operational plans, with the Defense Minister, the IDF Chief-of-Staff, the head of the ISA, the head of the Mossad and the head of the National Security Council. pic.twitter.com/TshrmMKFCA— Prime Minister of Israel (@IsraeliPM) May 17, 2021
