Николовски: Новата Влада отвора длабинска и неселективна борба и фронт против криминалот и корупцијата

„Новата Влада отвора длабинска и неселективна борба и фронт против криминалот и корупцијата. Граѓаните имаат право да знаат како се трошат нивните буџетски пари и како работат или не работат институциите и сите кои користат буџетски средства, изјави на денешната прес-конференција вицепремиерот за борба против корупцијата и криминалот“, одржлив развој и човечки ресурси, Љупчо Николовски.

Во целиот тој процес, нагласи Николовски, важни се сите, и институциите, и медиумите, и експертската јавноста, и невладиниот и граѓански сектор, и бизнис заедницата, и академската заедница и сите алаткти во нашето општество за да обезбедиме редот и законот да важат за сите и секаде подеднакво.

„Транспарентноста и отвореноста се наш врвен приоритет и тие ќе бидат спроведени од највисоко, сега и до најниско ниво. Оваа Влада конечно ќе ја оптимизира и управата и ќе обезбеди соодеветно алоцирање на сите човечки ресурси во јавниот сектор. Мојата позиција е резултат на определбата на новата Влада за воведување систем кој постојано генерира и испорачува и правда и ред и поредок и правна држава и го гарантира владеењето на правото и оваа сигурност на сите граѓани“, изјави Николовски.

Најави дека новата Влада ќе работи на редефинирање на кодексот за
етичко однесување на членови на Владата и функционерите именувани
од Владата.

„Во имплементација на овој кодекс ќе важи максимата „нулта толеранција за корупција, нулта толеранција за министрите, директорите, раководители и за целата јавна администрација. Секој што ќе се огреши пред законот, ќе мора да сноси одговорност. Мора да има ред, еднаш засекогаш во институциите. Мора да ја вратиме довербата на младите и граѓаните во финкционирање на системот за да ја градат својата иднина тука“, изјави Николовски.

Ќе се работи, рече Николовски, на развивање на системска алатка за
следење на парите и капиталот на функционерите и граѓаните, за да
може да се превенира незаконско зголемување на имотот за време на
остварување на јавна должност.

„Ќе иницирам процес на редовно координирање на сите надлежни институции. Тоа ќе биде мојата клучна и главна улога. Координативна
улога, која досега ја немаше и која отсега треба да даде видливи резултати во борбата против корупцијата. Тоа се МВР, Управата за финансиска полиција и Управата за финансиско разознавање, Царинската управа, УЈП, инспекторатите и целата извршна моќ и институции кои имаат надлежност и обврска, и кои се платени од граѓаните да се борат против криминалот и корупцијата неселективно без оглед за кого станува збор“, изјави Николовски.

Посочи дека мора да има отворена меѓуинституционалан координација
за да има резултат и дека мора на дневно ниво да се координираат овие
инстутуции за да соработуваат и даваат резултати.

„Мојот мандат не е да создавам паралелен систем на она досега. Ние ќе
бидеме нивниот сигурен и стабилен партнер, што ќе биде од помош со оваа координативна улога. Заедно со меѓусебна координација и соработка, со многу работа, неселективно, со чесен и одговорен пристап пред сите генерации можеме да постигнеме позитивни и значајни резултати“, изјави Николовски.

Како претседател на Комисијата за човечки ресурси и одржлив развој,
најави тој, детално и темелно ќе ги разгледува сите квартални и
годишни извештаи на институциите.

„Мора да имаме чесни и одговорни, и искрени кадри кои се решени и посветени да одработат за доброто на граѓаните. Кои се платени со плата да одработат и испорачаат резултат. Тука не мислам само на министерствата, туку мора да отидеме подалеку, останатите органи, општините, јавните претпријатија и акционерски друштва во државна сопственост“, изјави Николовски.

Во целиот процес на превенирање и откривање на корупцијата, посочи
тој, потребна е ефикасна и професионална администрација, на што во
следните четири години ќе посветиме сериозно внимание.

„Не можеме да очекуваме напредок ако вистинските луѓе не дојдат на
вистински позиции“, нагласи Николовски.

Свесни сме, нагласи тој, дека целиот процес ниту може, ниту дека некаде започнал и завршил преку ноќ, но во периодот што следи и четиригодишната програма воспоставивме јасни цели во борбата за искоренување на оваа девијатна појава.