Единаесеттемина осудени за „Сопот”, за кои СЈО ги повлече сите обвнениеја, по што беа пуштени од затвор почнаа битка за обештетување за периодот додека биле во затвор.
Во основниот суд Скопје 2 се одржа првото сослушување на осудените во случајот „Сопот“, кои ги презентираа доказите, а кои ги прифати судот. На следното рочиште закажано за 21 февруари 2019 година ќе сведочат оштетените.
На 19 март со одлука на Судот жителите од Сопот беа ослободени од затвор и беа прогласени за невини. Два месеци подоцна осудениците и официјално од Министерството за правда побараа обештетување.
Првото брање за обештетување 11-теминаа го испратија до Министерството за правда, преку кое бараат 150 милиони денари или 2,5 милиони евра оштета.
Барањето ги вклучуваше само осудените кои се во Македонија.
По поднесеното барање подоцна Министерството за правда ги упати оштетените во случајот „Сопот“ на судско остварување на нивните права.
„Во Министерството за правда нема нивни одбивања. Согласно постапката, оние кои бараат отштета, треба да имаат судска одлука дека биле неправедно притворени. Во тој случај тие се обраќаат до Министерството за правда за спогодба но со оглед дека нема критериуми врз основа на кои може да се направи таа спогодба ние ги упатуваме на судско остварување на правата.
Тоа е стандардна процедура што оди буквално за сите и нема посебни принципи кои би важеле за овој конкретен случај, рече тогаш министерката за правда Рената Дескоска.
