Османи во Вашингтон го потпиша Договорот од Отава еден од фундаментите на членството на земјата во Алијансата

LinkSense.mk

Министерот Османи, за време на посетата на САД, во име на Владата на Република Северна Македонија, го потпиша Договорот за правната положба на Организацијата на Северноатлантскиот договор, националните претставници и меѓународниот персонал,усвоен во Отава  на 20 септември 1951 г., познат како Договор од Отава, информираат од Министерството за надворешни работи.

Договорот од Отава, чиј депозитар е Владата на САД, претставува правна рамка неопходна за функционирање на  Организацијата на Северноатлантскиот договор и за извршување на службените задачи и обврски на националните претставници на државите членки на НАТО и на меѓународниот персонал во организацијата.

Со овој Договор се регулира внатрешно-правната положба, привилегиите и имунитетите  на организацијата,  статусот и привилегиите и имунитетите на националните претставници од државите членки на НАТО и на меѓународниот персонал во НАТО.

 

МИА