Да се почитуваат Законот и процедурите, да се избере експерт што ќе биде партиски наутрален и кој ќе го врати достоинството на инситуцијата, рече денеска вицепремиерот, Бујар Османи, одговарајќи на новинарско прашање во врска со назначувањето на нов државен јавен обвинител.
Пред почетокот на трибината за поголемо искористување на ИПА средствата, Османи нагласи дека ДУИ сака на оваа позиција да дојде Албанец, но пред се е битно, како што рече, тој да биде експерт.
„Секогаш бараме правична застапеност во институциите и тоа не е дел од какво било политичко влијание. Дури и во судството бараме да има судии Албанци, но тоа незначи дека Владата или ДУИ се меша во системот. Само сакаме да се почитува Уставот“, истакна вицепремиерот, Бујар Османи.
