Јавното претпријатие „Водовод и канализација“ – Скопје го објави неделниот извештај за квалитетот и безбедноста на водата за пиење, соопштувајќи дека, според сите извршени анализи, водата во главниот град е безбедна и соодветна за консумација.
Во извештајот се наведува дека Секторот за санитарна контрола во периодот од 2 до 6 март 2026 година земал 184 примероци за физичко-хемиска анализа и 184 примероци за микробиолошка анализа на вода за пиење, од вкупно 40 мерни точки во Градот Скопје.
Од резултатите од испитувањата е утврдено дека сите примероци ги исполнуваат барањата утврдени во Правилникот за барања за безбедност и квалитет на водата за пиење („Службен весник на РМ“, бр. 183/18).
ЈП „Водовод и канализација“ – Скопје истакнува дека ќе продолжи со континуирани редовни контроли за да се обезбеди висок квалитет и безбедност на водата за пиење за сите граѓани.
