ФОТО: ПУМА
Патиките одамна престанаа да бидат само завршен детаљ на стајлингот, а новите модели сè повеќе изгледаат како да пристигнале директно од иднината. „Puma“ и лондонскиот бренд „J.L-A.L“, зад кој стои дизајнерот Жан-Лук Амбриџ Лавел, го претставија својот најнов заеднички модел на патики.
Новата силуета, наречена „CELL GEO 1 CAGE J.L-A.L“, претставува еволуција на нивната претходна соработка „CELL GEO“, која беше целосно распродадена. Впечатливиот геометриски дизајн е инспириран од геодезиските куполи на архитектот Бакминстер Фулер, пишува „ ИНДЕХ“
Дизајн и структура Станува збор за патика со високи перформанси, со горниште од мрежаст материјал без шевови и без врвки. Целата конструкција е опфатена со систем од 3D TPU-кафез, кој ја спојува естетската структура со флуидна и футуристичка форма. Горниот дел на патиката е прекриен со слој во форма на триаголен кафез, кој му дава визуелна длабочина на прозрачната мрежаста основа, додека функционално сегментираните делови на петата дополнително ја зацврстуваат конструкцијата.
Минимализам и „тех-вер“ (techwear) Моделот CELL GEO 1 CAGE J.L-A.L доаѓа во две еднобојни варијанти – темнокафеава и бела – а неговиот дизајн го спојува минималистичкиот изглед со елементи на естетиката „тех-вер“. Продажбата започнува на 12 септември, по препорачана малопродажна цена од 33.000 јапонски јени, односно околу 184 евра. Моделот ќе биде достапен преку официјалната веб-страница на PUMA.
