Германија има повеќе од 30.000 дневни инфекции со коронавирус, првпат од почетокот на пандемијата, објави германскиот институт Роберт Кох.
Институтот објави дека податоците за заразените вклучуваат 3.500 случаи од југозападната провинција Баден-Вуертемберг, кои од технички причини не биле вклучени во статистиката на случаи од четвртокот.
Рекордни 30.277 случаи се потврдени во изминатите 24 часа. Починати се 813 лица, втор најголем пораст од март досега. Бројот на починати во последно време се зголемува, што се очекуваше со оглед на наглиот пораст на инфекциите.
Германија во моментов бележи голем број смртни случаи, поради што властите се под притисок да започнат со вакцинирање на населението што е можно поскоро.
Германија потврди повеќе од 1,4 милиони инфекции и 24.938 жртви на Ковид-19 од почетокот на пандемијата.
