Издавачката куќа „Библион“ од Истанбул го објави преводот на романот „Зад аголот“ на Томислав Османли на турски јазик.
По бројните објави на „Дваесет и првиот“, претходниот роман на Османли, ова е прва меѓународна објана на неговиот втор, структурно покомплексен роман.
„Зад аголот“ развива девет линии на дејства од кои дел се преплетуваат, а дел продолжуваат, при што неговиот хронотоп има опфат од јонската и атичката антика до современа Европа, Азија и Америка со фокус на 1999 година, односно до математички и симболички последната година од минатиот век.
