СДСМ: Речиси 69.000 членови во недела ќе избираат претседател на СДСМ на првите директни, внатрепартиски избори

LinkSense.mk

Првите директни, непосредни, внатрепартиски избори на кои сите активно
регистрирани членови на СДСМ ќе избираат Претседател се одржуваат во недела на 21 март.

Преземени се сите неопходни мерки за уредување на гласачките места согласно со препораките за здравствена заштита од КОВИД 19 а целиот изборен процес на денот на гласањето ќе се одвива по строго утврдени протоколи за заштита од коронавирусот.

Изборите ќе се спроведат во сите 80 општински организации на СДСМ од страна на општински изборни комисии и избирачки одбори, на вкупно 237 избирачки места, кои на денот на гласањето ќе бидат отворени од 08 до 19 часот.

Централната изборна комисија го потврди и го затвори Избирачкиот список, на кој се пријавени за гласање 68 999 членови, обезбеден е избирачки материјал, паравани за тајност на гласањето, избирачки кутии, ознаки и протоколи за заштита на здравјето на сите учесници.

Сите активно регистрирани членови на СДСМ ќе можат да го остварат своето право на непосредно и тајно гласање за избор на Претседател во својата општина на соодветно гласачко место.

Членовите што гласаат, со себе задолжително треба да ја има електронската членска картичка на СДСМ и важечки личен документ за идентификација (лична карта или пасош).

Гласањето на болни и немоќни е овозможено, еден ден порано, односно во сабота на 20.03.2021 година.

Информација за текот на гласањето и резултатот ќе го соопштиме во недела по завршување на процесот на гласањето.

Претстојните избори, претставуваат постулат на демократските вредности, каде прв пат во историјата на нашата држава, самите членови на партијата ќе си го бираат својот претседател.

Ова е нова, додадена вредност, нов стандард на македонската политичка сцена, поставен од најдемократската, најпрогресивната и најмодерната партија – СДСМ.

Со почит,

Центар за комуникации со јавноста на СДСМ