Секој втор погрешно ја разбира пораката преку вибер

LinkSense.mk

Една третина од возрасните прекинуваат контакт со некого поради погрешно толкување на пораките на мобилните телефони или социјалните мрежи.

Ова го покажа едно истражување во кое учествувале 2000 испитаници.

Четири од десет луѓе можат со часови да размислуваат за нечии зборови или тон, обидувајќи се да сфатат каква емоција се крие зад нив. Секој петти погрешно претпоставил дека некој е лут затоа што не го протолкувал текстот на преписката на вистински начин. За да го спречат тоа да се случи, 23% решиле лично да им кажат на сите што треба да кажат, дури и ако тоа би значело чекање со недели за интервју. Повеќе од три четвртини од испитаниците веруваат дека разговорот лице в лице е најдобриот начин за комуникација бидејќи може да спречи можни недоразбирања.

Пораките немаат боја на глас или израз на лицето „Личната комуникација ни овозможува да го разбереме тонот, да обрнеме внимание на говорот на телото и подобра поврзаност, намалувајќи ги чувствата на фрустрација, депресија и анксиозност, што често се јавува поради неправилна комуникација“, изјави британската докторка Хилари Џонс.

Одредени проблеми со пораките произлегуваат и од погрешното читање на хуморот. Имено, дури 41 отсто не разбрале нечија шега на вистински начин, а 42 отсто од нив не можеле да откријат сарказам, што сигурно немало да се случи во директна комуникација.