Силен земјотрес регистриран на Папуа Нова Гвинеја

Земјотрес со интензитет од 6,3 степени според Рихтеровата скала денеска ја погоди Папуа Нова Гвинеја, соопшти Американскиот сеизмолошки завод.

Епицентарот на земјотресот бил на 38 километри североисточно од градот Каинату, на длабочина од 103,5 километри.

Нема информации за евентуални жртви и причинета материјална штета, а не е издадено ниту предупредување за појава на цунами.