– Бројот на нови случаи на заразени со коронавирусот во светот во последната недела повторно се зголеми за речиси четири милиони, соопшти Светската здравствена организација (СЗО).
Според СЗО, до 29 ноември во светот се регистрирани повеќе од 61.800.000 случаи на Ковид-19. Во исто време, растот минатата недела беше малку помал од неделата претходно – 3.935.330 наспроти 4.060.891.
Бројот на пациенти кои починале од почетокот на пандемијата надмина 1,4 милиони.
Повеќе од 69.000 луѓе починаа изминатата недела. Според СЗО, најголем пораст на смртни случаи минатата недела е регистриран во Северна и Јужна Америка.
